上篇BigRay同大家簡單分析咗阿富汗現今局勢，但究竟今次局勢對美股市場有無太大負面影響？
提到政治因素，最受影響嘅一定係港股市場，港股市場經常會受到中國、美國等國家嘅影響，令到香港人有一個錯覺覺得「股市一定會因為政治因素而大起大落」。其實政治因素確實會影響到股票市場，但影響亦有分正面同負面，雖然平時大家所見嘅港股市場比較負面。反而，美股市場竟然好少因為政府因素不為所動。
近期，塔利班奪權事件得到世界各地對於人權關注。而美國政府與呢件事息息相關，仲因為預判錯誤而被批評。唔少國家都質疑中東地區穩定性，整個局勢仲帶來唔同嘅「副作用」，例如：稀土事件。整件事情十分政治化，但美股市場仍舊，可能本來已經比較波動，所以前幾日嘅美股市場都係同平時差唔多。
不過就有分析師認為，阿富汗局勢會為美股市場增添不確定因素。而不確定因素就包括影響美國金融市場動盪、美股出現修正、波動性再增加，或者會出現固定收益商品買盤。而道瓊工業指數、標普500指數和那斯達克綜合指數早前仍處於或接近歷史高點，阿富汗局勢對於美國股市嘅影響仍然需要長時間觀察。
外國有媒體指出，軍事侵略等行動甚至有可能會令到國防承包商類股有所升幅。所以，暫時美股市場都唔會因為阿富汗局勢有明顯升跌。