一開始，每個人都小試牛刀，帶住好想賺錢但又怕輸錢嘅心態去進入股票市場！但係，究竟點樣先可以唔再「交學費」呀？平時都有friend同我分享佢地鐘意一次過投資一筆錢去一隻股票到，如果跌就繼續坐喺到等啦……等到回本為止！但呢個方法係「沒有最蝕只有更蝕」……
Big Ray唔會再見死不救！決定出手同大家分享一下「DCA」(Dollar Cost Averaging) 呢個超級有用、風險低但回報高嘅投資方法～
DCA簡介
DCA (Dollar Cost Averaging) 又名「平均成本法」，大概意思就喺指大家必須在特定嘅間隔期間（例如每星期買入一次）、買入固定金額嘅某資產嘅投資策略。股票市場有四種情況，包括升、跌、平穩、波幅流動。而且大部份時間都會喺波幅流動，但一般「交學費」式投資就會係不斷買入，然後不斷輸錢……偶然都可以賺到錢嘅，但蝕嘅錢都未必夠賺嘅錢多！
DCA例子
而「DCA」嘅目的就係為咗波幅流動嘅股票市場而存在！就算面對十分波動嘅股票市場都好，「DCA」可以賺到錢！點賺？舉個例子：
假設A先生打算將投資本金為$100,000，以「DCA」就會分五次投資，每次$20,000，第一次買入價位為$10，總共可以買到2,000個unit；第二次買入價位為$5，總共可以買到4,000個Unit；第三次買入價位為$2，總共可以買到10,000個unit；第四次買入價位為$5，總共可以買到4,000個unit；第五次買入價位為$10，總共可以買到2,000個unit。最後A先生可以買到22,000個unit，以最後單價價位計算$10 x 22,000 = $220,000！比當初$100,000嘅投資本金賺咗$120,000！
雖然，「DCA」係以相同時間、相同投資、相同金額為主，但得到嘅係唔同嘅回報！所以，股票市場無論幾波動都唔緊要啦，最緊要學識「DCA」！當然，大家都要評估吓自己買緊個隻股票適唔適合呢個投資方法至得呀～最後，BigRay希望大家可以唔洗再盲目「交學費」啦！
另外，BigRay遲啲可以同大家分享一下究竟投資咩市場會比較好！記得留意啦～
