投資最近都喺年輕人間流行，BigRay眼見住一個又一個朋友輸錢嬴錢……🤨有陣時想同佢地講聲你地唔啱呢類型投資，又唔知點講好。🤭今次就分享個心理測驗，用3分鐘就知道自己適合邊種投資手法啦！😜
【心理測驗問題】1. 二選一，兩份工作起薪點都係1萬港幣，假設你兩份工作都勝任，你會揀邊一份？
A. 棒球隊數據分析球探
（無得升職，全香港得一個職位）
B. 銀行儲備經理
（可以升職，可能做嘅嘢會多啲）
【心理測驗問題】2. 你會點樣用你辛辛苦苦儲咗5年嘅積蓄？
A. 一個人去旅行，去體驗人生識多啲朋友
B. 準備創業
C. 繼續儲，避免失業
【心理測驗問題】3. 如果你投資嘅時候，連續輸咗3次錢，輸咗一半積蓄，你會點做？
A. 繼續努力工作，將錢賺返返嚟再去投資第4次！
B. 認真檢討自己嘅投資方法
C. 苦惱，認真考慮唔再投資
【心理測驗問題】4. 如果你返學嗰陣，仲有3分鐘就遲到，你會唔會照整理返自己儀容先返學？
A. 唔會
B. 會
【心理測驗問題】5. 當你同伴侶約會嘅時候，你會傾啲咩話題先？
A. 最近遇到嘅新鮮事
B. 今天嘅心情
【心理測驗問題】6. 你有三樣工作一定要完成，你會偏好邊種做事方式？
A. 同時做3樣工作，可能質素麻麻，但一定可以趕到deadline
B. 一次專注做一樣，做完先做下一樣，確保質素係好，但可能會遲交
【心理測驗問題】7. 當你需要花時間同錢學習新事物時，你會取決啲咩先去學習？
A. 新事物要係有趣嘅
B. 新事物要係比較實用嘅
【心理測驗問題】8. 當你同你嘅團員有意見不合嘅時候，你會？
A. 雖然會嗌交，但我都要堅持己見，全力證明自己見解先係正確
B. 我會選擇沉默，希望大家都可以和諧相處
【心理測驗問題】9. 你會唔會經常反省自己做事有無犯錯？
A. 唔會
B. 會
【心理測驗問題】10. 當你遇到棘手問題時會點做？
A. 上網Google搵答案先從網路與書籍中找解決線索
B. 直接問人意見再參考
【心理測驗問題】11. 你認為啱啱踏入社會嘅人，第一次投資應該投資邊類型？
A. 保險
B. 儲蓄
C. 股票
公佈心理測驗分數！
Total 11題，但第11題唔計分㗎～如果1至10題揀咗A嘅話就有10分，揀其他答案就係0分。仲有，第二、第三題揀B嘅話仲要扣1分！分數高嘅話，就會比較適合做積極嘅主動投資；分數低嘅話就屬於保守穩陣派嘅投資。
- 總分6分以上：1️⃣冒險性格投資人（任何投資都可以嘗試，只要自己可以承擔到風險）
- 總分4至5分：2️⃣可靠型投資人（中間派，唔需要24小時望住股市，而且升幅唔會起伏咁大）
- 總分3分以下：3️⃣保守型投資人（比較啱被動投資，需要再多啲吸收投資方面嘅知識）
投資確實係一門學問，好多人「交咗好多學費」都未必識……🤦🏻🤦🏻♀️不過，心態比較緊要，千祈唔好因為自己低分就唔去學投資，只係因為大家仲未十分認識同熟習投資！只要大家一齊花多啲時間，都可以成為下一個巴菲特！😼