Paycom 成為熱門美股？
依家大家都選擇分散投資唔同市場、唔同投資方案，買股票絕對係唔少人會選擇嘅投資戰場。近期聽唔少朋友都玩美股，今日等我講講美股，分析下最近引人討論睇好嘅股Paycom
Paycom Software係一間軟體供應商，服務範圍大至人力資源服務，小至線上出糧，而且歴史悠久。前排Paycom喺新冠肺炎疫情下受挫，但近日在季績後都有回升現象。咁多人討論呢隻股，並唔係空月來風，分析吓先！
Paycom 外在與內在因素？
Paycom 外在因素：美國經濟復甦
隨疫情漸退，美國嘅經濟都慢慢開始復甦，Paycom絕對係潛在受益者之一。啱啱提及Paycom服務範圍包括人力資源服務，而經濟復甦後人才需求會大增，招聘亦會大幅增加，客戶對Paycom軟體嘅使用率相信會大大提升。而且今次疫情唔多唔少加速咗各類公司對遠程人力資源解決方案嘅需求， Paycom業務絕對係長線有利
Paycom 內在因素：業務性質
Paycom嘅業務性質令佢有能力繼續抵禦持續疫情嘅衝擊。Paycom多於9成嘅收入係經常性收入，即使客戶喺疫情嘅出糧金額減少可能影響Paycom嘅人力資源軟體，都唔會真係影響到業務，因為當中有長期合約保護，唔會突然終止合約而令業績大倒退。
加上，Paycom喺疫情下成功吸納唔少新客。喺疫情下Paycom提供嘅各項服務，例如軟體供應都幫到唔少企業去管理員工嘅遙距工作。Paycom業績會議上都曾經表示，4月嘅訂單銷售額已經回升到疫情爆發之前嘅水平。