Search

#BigRay生活 Gym Room那些事 不要做Gym Room怪客


夏天想要鍛練好身材,好多人都會揀去Gym Room做運動🏋🏻‍♀‍。我自己平日去Gym Room做Gym都總會遇到一啲比較奇怪嘅人。今日同大家分享一下,唔好中招做咗Gym Room怪客!唔知有冇人自己做咗都唔知呢?


第一種怪客:自戀打卡怪客

去到Gym Room其實大家都係想練好啲個Body,但總有一啲人去到做幾下就開始對住塊鏡照,自拍仲要影十幾廿個Pose咁!我明白有時想Keep住觀察自己外型上面嘅變化,同埋做返個Record 鼓勵下自己呢啲係有需要嘅,但係千祈唔好對鏡照成粒鐘,嚟Gym Room就係要好好做Gym塊鏡係唔會令你嘅鍛練有成效㗎!


第二種怪客:千手怪客

如果話自拍怪都係自己啫唔影響到人,咁就要睇下呢一類人:千手怪!千手怪最鐘意就係霸住一啲自己未用到嘅器材,好似係一次過拎幾對啞鈴,又或者休息嘅時間坐喺到霸住部機唔比其他人用唔通係真係有咁多對手手腳腳要練?Gym Room係共用空間,做好Gym Room禮儀都好重要㗎!

第三種怪客:浮誇求關注怪客

浮誇求關注怪就係講緊做運動嘅時候鐘意不斷發出奇怪聲音嘅人!呢類人成日都會大大聲叫出嚟好似話比大家知「我比緊力啊,我好勁㗎。」其實做Gym攰要出下聲好正常,但如果係咁叫就真係唔好啦


一齊同BigRay做運動啦!

0 comments