GME事件
2021年年初其中一件發生喺股票市場嘅大事就係「GME」事件，「GME」事件令到世界各地網民體現「團結就是力量」！雖然好似好老土，但又幾work嘅GME事件過渡之後，都對整個股票市場有好多唔同嘅影響。平時大家都會用MEMES，但「MEME股」又係咩嚟？
MEME股來源
MEME嘅概念係「在群體中，文化、行為…等思想被大量複製、再造的情況」，由演化生物學家 Richard Dawkins 提出。由於科技隨著時間不停進步，MEME梗圖已經成為好多人嘅收藏，而MEME圖已經成為一種潮流，連一啲無接觸開design嘅人都開始嘗試自己二創，吸引到無數網民呢啲MEME圖正正符合 Richard所提出嘅概念，符合到當時環境嘅笑點嘅資訊就可以留低，過程中亦都會經過唔多人嘅創作，更加貼近現代人嘅幽默感，變得更加有趣，所以就稱為「Internet Meme」（網絡迷因）。
「MEME股」係咩？
「MEME股」其實就係喺網絡平台上深受網民歡迎嘅股票，而且會係突然爆紅嘅股票，通常網民都會喺Twitter、Facebook、Reddit討論呢啲股票，香港嘅話連登都係一個平台去比香港年輕一代討論股票。「MEME股」同普遍股票其中一個唔同嘅地方就係佢嘅攀升原因係出於網絡上對佢嘅吹棒同炒作，所以好多市場股票分析方法其實都唔太有用，因為好難去預測網民下一步嘅動作。
之前討論度極高嘅「MEME股」有AMC、BlackBerry等等……不過，最近網民又轉咗Target啦～厭倦咗買平時嘅股票嘅話，都可以去做下功課了解下最近有咩熱門嘅「MEME股」。