Search

#BigRay講股 阿富汗局勢分析 為美股增添不確定因素 (上)


呢段時間不得不提到發生於阿富汗嘅事情,往往政治都離不開生活。當然發生咁大件事後,對於美國股票市場一定有影響,同大家去探究各種影響前,首先同大家簡單說明一下阿富汗究竟發生咩事?


阿富汗2004年前本來由塔利班執政,但因為塔利班被美國指控為2001年策劃9.11恐怖襲擊嘅拉登及阿爾蓋達組織提供庇護,當時以美國為首嘅軍事聯盟就喺阿富汗發動戰爭,將當時執政嘅塔利班趕下台。2004年,美國支


持阿富汗成立新政府,成為阿富汗伊斯蘭共和國,不再被塔利班所統治。


美國多年來一直都喺阿富汗都有駐軍,不過特朗普任內時,美國同塔利班代表已經喺卡塔爾首都多哈談判撤軍條件。2020年2月已經簽訂「多哈協議」,承諾2021年5月前會撤出阿富汗;塔利班承諾會與阿富汗政府和平談判,唔會攻擊美國同其盟友,亦都會限制阿爾蓋達等恐怖組織喺阿富汗嘅活動。去到今年年初,拜登政府上台後將原定撤軍限期推遲,重新訂於9月11日前離開阿富汗,而當日亦係9.11恐襲嘅20週年日子。


美國政府預計撤軍後,塔利班至少需要幾個月嘅時間先可以重新「接管」阿富汗。不過,激進組織塔利班8月初已經開始逐漸控制阿富汗大部份城鎮,令到美國政府嘅預計一度落空。


事到如今,情況一發不可收拾。多個國家都開始注視阿富汗嘅政治局勢,由於美國政府嘅預期失誤,所以其局勢已經影響到美國股票市場。下篇BigRay同大家分享一下阿富汗對於美股有咩影響?

0 comments