#BigRay保險小知識 考你三個保險迷思！原來一直都有錯誤嘅觀念

保險就好多人都有買，但你係咪真係知自己買緊咩保險先？同埋你份保險買嚟做咩？做咗呢行咁耐，每次同人溝通都知道原來好多人一直對保險都有錯誤嘅觀念，三條問題睇穿你係唔係保險抱住錯誤嘅觀念！

1. 買咗保險一定有得賠？ A. 梗係啦，點會無 B. 唔係

揀A嘅人就錯啦！好多人覺得只要有買保險，遇到事故嘅時候點都有得賠。但其實有保險都好，唔代表你買嘅保險啱你當時嘅情況，如果情況唔合符你份保險嘅「受保範圍」，咁就無LU～例如好多人買嘅「意外保」，即使係突發性疾病都唔會有得賠，好似係心臟病、腦中風呢啲都唔包㗎！喺保險角度嚟講，呢啲係疾病，點樣突發都唔可以當係意外。

再提埋你地啦，買咗「醫療保」都好，都唔係一定受保！有啲「醫療保」唔包括高額住院費，只係住院日額同手術所以一定要搵信得過嘅保險專員幫你睇清楚呀，呢到就有一個好好嘅Big Ray啦！

2. 買一份保險就唔洗再買？ A. 無錯，唔洗買咁多，一份救世界！ B. 唔係，買多幾份多個安心！

揀A嘅人又錯啦！正如啱啱所講，保險有唔同受保範圍、種類，目的係比買保險嘅你可以針對性咁應付突如奇來嘅危機。好多時有客人同我講「我有保險啦唔洗sell啦」其實一份保險唔係萬事通用㗎！唔同階段、唔同情況，你需要嘅嘢都唔同，所以最緊要了解自己嘅保險嘅受保範圍，而你需要嘅又係咩。

3. 保費高就賠得多？

A. 一定係啦！有高投資先有高回報！ B. 唔係，兩者應該唔成正比！

揀A嘅人，SORRY又錯咗！保費有時同保障並唔成正比，「保費高低」唔代表「保障高低」曾經聽過有人話後生嗰時比咗幾十萬保費，但最後老咗先知血本無歸，真正保障嘅嘢根本唔多。有時保險可以係保好多嘢，但其實佢又未必係保緊啲對你有用嘅嘢。

總之，要買保險，一定要搵可信嘅專業人士比意見，同時唔好淨係聽人講諗下自己需要咩，同埋承擔保費嘅範圍有幾多想搵信得過嘅專業人士關心你地情況？一於搵BigRay啦！