#BigRay理財小知識 常見的錯誤投資觀念？

初接觸投資的年輕人，經常出現各種錯誤嘅投資觀念，令他們誤中地雷。今次就為大家一一拆解這些錯誤，令你們在投資路上，不用走那麼多冤枉路。

1. 基本分析 + 長期投資 = 獲利方程式

其實呢條方程式並唔係絕對成功，當大家只係表面分析完該投資工具（例如股票），只係得到表面數據，但並唔能夠深入咁分析短期內會有咩變化。當表面分析完後，大家都會比較懶，所以選擇長期投資同一個工具，諗住長遠發展一定可以賺錢。正因如此，先會有損手爛腳嘅情況發生……其實買賣之前，研究該產業同整體經濟先係好嘅「獲利方程式」。

2. 唔好帶有太多情緒同主觀睇法

假如大家帶有太多情緒同主觀睇法，好容易會影響到自己賺錢定蝕錢。因為你嘅主觀諗法同大眾並唔一樣，而且股票市場都有分「莊」同「閒」，相信大家都知。所以，當大家被情緒同主觀睇法影響到嘅時候，可能就會令大家蝕錢。

3. 巴菲特名句「價值投資就係人棄我取，危機入市。」

4. 分散投資未必係好事

有人覺得「投資應該要分散，投放唔同資源喺唔同地方上面，可以得到更多回報。」然而，其實有好多投資學家都唔贊同呢個理論。簡單分析，假設你將資源投放咗喺十隻唔同嘅股票上，你就要時刻關注十隻股票。然後，你仲要工作賺錢，未必可以24小時望實十隻股票。最後，十隻股票你可能只可以保留到一至兩隻股票係無蝕到錢。分散投資要付出嘅代價好大，無論時間定精神都係需要大量。所以，新手們最好都係集中一個投資，覺得自己有足夠時間同精神先開始投資兩至三個投資工具。

5. 散戶通病：「頻繁交易」

短線投資最忌就係交易成本，假設大家經常頻繁咁樣交易短線投資嘅工具，賺嘅錢都可能只係足夠同交易成本成正比。所以，短線投資嘅話減少交易頻率就會好好多。而「頻繁交易」都唔係完全係壞事，「頻繁交易」確實可以分散風險，亦都可以更快累積投資經驗。

6. 千祈唔好借錢投資！向期貨、融資SAY NO！

大家就算蝕錢都好，都唔好去借錢投資。因為借完嘅後果，可能會將你輸嘅錢滾大，到時就會好麻煩。

7. 每次投資都要檢討自己

每次投資嘅時候，都會遇到唔同嘅情況同結果，其實都係學習嘅一環。有人話一開頭「蝕錢係交學費」，理論上的確可以咁樣講。因為投資買賣本來就唔係一日就可以成功，而係要經過長時間嘅經驗同分析先可以有大家理想嘅結果。所謂投資學家、經濟學者全部都受過長時間嘅洗禮一直到今時今日，「欲速則不達」。

以上7個常見嘅錯誤投資觀念，大家都要謹記！投資有風險，大家要謹慎行動保障自己，知道嗎？

如有興趣請聯絡Financial Planner Big Ray!