Search

#BigRay講股 日本股神 是川銀藏 🐢「烏龜3原則,投資5原則」


好多人都會引用股神巴菲特(Warren Buffett)講過嘅金句,但作為一個投資人當然要接受多方面嘅資訊。世界十分大,今日就分享一個日本股神是川銀藏所提出嘅「烏龜3原則,投資5原則」✍🏻


「烏龜3原則」🐢

1. 要揀一啲未來較有前途,但仍未被世人察覺到嘅潛力股,然後長期持有;

2. 每日都要望實經濟與股市行情嘅變動,而且自己都要做足功課去研究;

3. 避免太過樂觀,唔好因為一時嘅快感就以為股市會不斷升,要有計劃去使用本金。


「投資5原則」📈

1. 揀股票唔好靠人推薦,要靠自己做功課去研究,然後先選擇。

2. 自己嘗試預測一兩年後嘅經濟變化;

3. 每隻股票都有其適當嘅價位,股價超越其應有水準的話,切忌追高﹔

4. 股價最後都係會由業績決定,如果係有人刻意造市嘅股票千祈唔好買﹔

5. 任何時候都可能發生難以預料嘅事,所以要記住,投資股票永遠有風險。


日本股神是川銀藏先生有一個投資信念一直保持住,連巴菲特都對佢呢個信念感到佩服👏🏻因為佢曾經透過呢個信念一次過賺200億日圓!呢個信念就係「只食8成飽」。簡單講,「只食8成飽」就係只食8成飽就賣出股票,睇準市場時機「唔貪求」、揀啱時間從中得利了結,堅守「低價買入、高價賣出」嘅股市投資原則🤨


平時大家都聽唔少呢啲原則或建議,但係係唔係真係活用到?就要靠你地自己😂

0 comments