Search

#BigRay生活 做Gym打怪: 四大Level你係邊級?


作為平時做開運動,鐘意舉重嘅我,都聽身邊唔少啱啱開始做Gym嘅朋友講做Gym好辛苦呀!仲問我點樣先可以堅持落去其實做Gym就同我哋平時打機打怪升Level一樣,你比幾多心機同時間,就會見到咩嘅成效。脂肪就係你嘅大Boss,器材只係你嘅道具,淨返幾多滴血就要睇下你嘅恆心啦當然兩者都未必會係正比,但持之以恆,搵啱嘅武器同戰略技巧攻擊,絕對唔會徒勞無功!喺Gym Room打咗咁耐「脂肪Boss」,你又知唔知自己依家升到邊個Level?


Level 1 休閒玩家 新手被Carry 喺打機嘅世界入面,休閒玩家注重玩樂消閒,成日都比人Carry。就好似做Gym 新手,對重訓、有氧訓練等等可能無咩概念,需要有一個高Level啲嘅人去帶升。呢段時間,無方向又未有成果,通常都比較容易放棄。最好搵埋隊友一齊練,事半功倍!


Level 2 核心玩家 脫離咗新手期,提高技術中!

作為核心玩家嘅你開始對個Game有啲概念,但技術提升係要啲時間。就等同做Gym嘅時候,你開始有少少成效,會有自己做Gym嘅Routine呢個係一個好嘅階段,記得要堅持,你嘅肌肉出緊世啦!


Level 3 高級玩家 獨自修行

高級玩家做咗一段時間嘅鍛練,你開始慣咗自主練打怪,唔洗再等人carry。就好似你開始有去Gym Room報到嘅習慣,每次去到識自己針對性練下一個部位,亦習慣做Gym第二日帶嚟嘅肌肉酸痛感


Level 4 大師級玩家神carry玩家 榜上有名

嚟到呢個階段,大師級玩家你開始Carry人啦如果做Gym做到呢個地步,你已經係肉眼可見嘅筋肉人仲可以準備參加健美啦如果大家有興趣嘅話!你地已經愛上要Keep住訓練啦


同BigRay一齊做運動啦!


0 comments